Kystsogevekene 2014.

Velkommen til kystsogedagane i Sævareid og i Engevikhavn.
Lørdag 23 og søndag 24. august
Torgdag på Engevikhavn søndag, der bla eg held utstilling i Engevik naust.
Fusa/Engevikham ved Sævareidsfjorden kl 12 -17

Engevikhavn var handelsstad frå 1844 fram til 1911 med eige bakeri og handelsbu. Handelsbua låg i ei av dei store sjøbuene som framleis pregar miljøet i «hamnen». Lars Samsonson Meidell (1796-1865) gifta seg med Abel Katrine, dotter til Axel Nyegaard på Engevikhavn og fekk slik hand om Engevikhavn. Lars var den store lokale entreprenøren i si samtid. Han bygde opp heile det imponerande anlegget som er så å seia intakt også i dag. Han dreiv med fraktefart på Nordland, kornimport frå Austersjø-landa, sildefiske, sildeeksport og handels- og gjestgjevarstaden Engevikhavn. Denne sundagen i august vert det på ny stor aktivitet i mellom sjøbuene med torghandlarar både frå Fusa og nabokommunane, demonstrasjon av gamle handverk og aktivitetar for store og små. Her skal det bli både rykande ferske bakevarer og andre matvarer, lokalt handverk og krimskrams. Det vert omvising i det historiske bygningsmiljøet.

Seglsluppen «Seladon» er tilbake og tar publikum på små fjordturar mellom Engevikhavn og Engevik gaard. Engevik gaard er open og her kan ein kjøpa seg middag og kaffimat. Det skal også gå veteranbuss i skytteltrafikk mellom Engevik gaard og Engevikhavn.

Utdeling av Anders Kåre Engevik sin kulturpris vert kl 16